Kashi 57 cikin 100 na Amurkawa na goyon bayan haɗin gwiwa da Sin

Binciken ya nuna cewa a shekarar 2025, ’yan jam’iyyar Democrat sun fi nuna goyon baya ga haɗin gwiwa da Sin, yayin da sabon binciken ya nuna cewa ’yan jam’iyyar Republican ma na ƙara karkata zuwa wannan ra’ayi. Adadin ’yan Republican da ke goyon bayan haɗin gwiwa da tuntubar Sin ya ƙaru da kashi 10 cikin 100 idan aka kwatanta da shekarar 2025.

CGTN Hausa

Rahoton ya danganta wannan sauyi da raguwar yawan Amurkawan da ke kallon Sin a matsayin babbar barazana. Haka kuma, idan aka kwatanta da shekarar 2021, ƙarin Amurkawa yanzu na ganin Sin a matsayin ƙasar da ke ƙara samun tasiri da girmamawa a duniya.

An gudanar da binciken tsakanin 10 zuwa 21 ga Yuli 2026, inda aka tambayi mutane 2,156 daga dukkan jihohi 50 na Amurka da kuma Washington, D.C. Binciken ya bayyana yadda ra’ayin jama’ar Amurka kan dangantaka da Sin ke sauyawa a cikin 'yan shekarun nan.