NIDCOM TA GARGAƊI ’YAN NAJERIYA DA KE FARANSA

Hukumar kula da ’yan Najeriya mazauna ƙasashen waje, NiDCOM, ta yi kira ga ’yan Najeriya da ke Faransa da su kasance masu natsuwa, zaman lafiya da bin dokokin ƙasar.

Shugabar hukumar, Abike Dabiri-Erewa, ta shawarce su da su guji duk wani abu da ka iya haddasa tashin hankali.

Ta kuma gargaɗe su kan yaɗa jita-jita ko bayanan da ba a tabbatar da sahihancinsu ba, musamman ta kafafen sada zumunta.

Hukumar ta jaddada muhimmancin mutunta sauran al’ummomin da suke zaune tare da su, domin tabbatar da zaman lafiya da kyakkyawar mu’amala.

Haka kuma, ta shawarci ’yan Najeriya da su nemi taimakon hukumomin da suka dace idan suka fuskanci matsalar tsaro ko take haƙƙoƙinsu.

NiDCOM ta bayyana cewa bin waɗannan shawarwari zai taimaka wajen kare martabar ’yan Najeriya da kuma inganta zaman tare da sauran al’ummomi.

NIDCOM TA GARGAƊI ’YAN NAJERIYA DA KE FARANSA

Sumayya Ismail Wudil

Keep reading

Makinde ya bayyana kwarin gwiwarsa kan zaɓen shugaban ƙasa na 2027

Ƙungiya Ta Bai Wa Gwamnatin Tarayya Da Ta Osun Wa’adin Kwanaki Bakwai Kan Kuɗaɗen Ƙananan Hukumomi.

Dada Olusegun Ya Yi Watsi Da Ikirarin Da Aka Yi, Ya Ce An Karkatar Da Bayanai Domin Yaudarar Al’umma.