Tashoshin wuta sun yi amfani da kashi 86% na karfin da ake da shi a Agusta — NERC

Rahoton NERC na operational performance na watan Agusta ya nuna cewa matsakaicin karfin wutar da tashoshin suka samu don turawa cikin grid ya kai megawatt 4,758MW.

Daga cikin wannan adadi, an yi amfani da matsakaicin kusan 4,102MW a kowace sa’a.

Wannan ya nuna cewa kusan kashi 86 cikin dari na karfin da ake da shi ya samu amfani a matsakaici yayin watan.

Wasu tashoshin wuta sun nuna babban matakin amfani da karfinsu.

Tashar Afam 2 ta samu load factor na kusan kashi 99 cikin dari, yayin da Kainji 1 ta kai kashi 98 cikin dari. Egbin 1 kuma ta samu kashi 96 cikin dari.

NERC ta bayyana cewa bayanan sun kasance ma’auni ne na yadda tashoshin da ke hade da grid suka yi amfani da karfin da suke da shi, ba wai cewa dukkan karfin da aka sanya na tashoshin wutar Najeriya ya yi aiki ba.

Wannan bambanci yana da muhimmanci saboda jimillar installed capacity na Najeriya ya fi adadin karfin da ake samu a zahiri domin turawa cikin grid.

A lokacin da ake fama da matsalar wutar lantarki, wadannan alkaluma suna nuna cewa akwai bambanci tsakanin karfin da tashoshin wuta suke da shi a takarda da kuma karfin da ake iya samarwa da turawa cikin tsarin kasa.

NERC ta ci gaba da wallafa bayanan aiki domin nuna yadda tashoshin samar da wuta ke aiki, da kuma yadda ake amfani da karfin da ake samu.

A cewar rahoton, matsakaicin available capacity na 4,758MW a watan Agusta ya ba da damar samar da kusan 4,102MW a matsakaici.