Jigon tafiyar Kwankwasiyya, Kabiru Adamu Abdullahi Kofar Ruwa, ya sanar da ficewarsa daga jam’iyyar NDC zuwa jam’iyyar APC, a wani sauyi da ya zo gabanin babban zaɓen 2027.
Kabiru, wanda a baya ya sha bayyana mubaya’arsa ga jagoran Kwankwasiyya, Rabiu Musa Kwankwaso, har ma ya rantse da Alƙur’ani kan amincinsa ga tafiyar, ya miƙa takardar yin murabus daga NDC a ranar 13 ga Agusta 2026.
A cewar rahotanni, Kabiru ya bayyana cewa ya shafe kusan shekaru 29 tare da Kwankwaso, amma abin da ya samu ya kasance abin da ya kira “alkawuran da ba a cika ba.” Ya ce ya yanke shawarar komawa inda yake ganin za a fi girmama shi, tare da bayyana goyon bayansa ga Shugaba Bola Ahmed Tinubu a ƙarƙashin APC.
Wannan sauyin sheƙa na zuwa ne a daidai lokacin da siyasar Kano da ta Najeriya ke ƙara ɗaukar zafi gabanin zaɓen 2027, kuma ana kallon ficewar Kofar Ruwa a matsayin wani babban sauyi a cikin tafiyar Kwankwasiyya da siyasar NDC a Kano.
Khalil Ibrahim Yaro
Experienced journalist, Editor in Chief and media professional with a strong background in field reporting, investigative journalism, Editorial production, interviewing, research, digital media and newsroom coordination.
More from Khalil Ibrahim Yaro
