Sarkin Dutse Ya Kira Ga Ƙungiyar ’Yan Jarida Ta Tsaftace Sahun ’Yan Jarida

Sarkin ya bayyana hakan ne yayin da ya karɓi bakuncin tawagar ƙungiyar ’yan jarida ta ƙasa, ƙarƙashin jagorancin Shugaban Ƙungiyar, Commt. Alhassan Ado Abdullahi, a fadarsa da ke Garu.

1

Mai Martaba ya jaddada cewa aikin jarida na da muhimmiyar rawa wajen wayar da kan jama’a, tabbatar da gaskiya da kuma samar da zaman lafiya. Ya ce ya kamata ƙungiyoyin ’yan jarida su tabbatar da cewa waɗanda ke gudanar da aikin sun kasance ƙwararru kuma masu bin ƙa’idojin aikin jarida.

Ya kuma yi kira ga ’yan jarida da su kasance masu kishin ƙasa, gaskiya da riƙon amana, tare da guje wa duk wani aiki da zai iya haddasa rikici ko barazana ga zaman lafiyar al’umma.