Ƙungiyar Kare Haƙƙin Bil’adama reshen Najeriya ta nuna matuƙar damuwa kan rahotannin kashe-kashe,lalata dukiyoyi da kuma korar wasu iyalan makiyaya daga muhallansu.

Shugaban Ƙungiyar Kaftin Abdullahi Bakoji mai ritaya ne ya bayyana haka inda ya ce lamarin ya shafi wasu yankunan Agwara a Jihar Neja da Yauri a Jihar Kebbi, yayin da kuma aka samu rahoton kashe wasu makiyaya huɗu a Jihar Taraba.

A cewar sar, an kashe makiyayan huɗun ne a ranar 11 ga Agusta, yayin da suke dawowa daga kasuwar dabbobi ta Bantaje zuwa Donga. Ana zargin wasu matasa da hannu a lamarin.

1

Hakazalika ya kara da cewa “rayuwar kowane ɗan Najeriya yana da matukar daraja, kuma babu wani dalili da zai halatta kashe fararen hula, lalata dukiyoyinsu ko tilasta musu barin muhallansu”.

1

kungiyar ta buƙaci gwamnati da ƙungiyoyin agaji su gaggauta tallafa wa mutanen da aka raba da muhallansu, musamman mata, yara da tsofaffi.