Mutane 24 Sun Mutu Bayan Shan Wani Ruwan Ganye a ONDO

Aƙalla mutane 24 sun mutu a ƙananan hukumarmar Odigbo ta Jihar Ondo bayan wani lamari da ya shafi shan wani ruwa na ganye. Mutanen sun fito ne daga garuruwan Araromi Obu da Odigbo, inda aka samu rahoton mutuwar mutane takwas a Araromi Obu da 16 a Odigbo.

Wasu daga cikin waɗanda suka sha ruwan an kai su asibiti bayan sun fara nuna alamun rashin lafiya. Sai dai hukumomi sun yi gargadin cewa har yanzu ba a tabbatar da cewa ruwan ganyen ne kai tsaye ya haddasa mutuwar ba.

Gwamnatin jihar ta fara bincike, ciki har da aikin gwaje-gwajen lafiya da autopsy, domin gano ainihin musabbabin mutuwar.