Mawaki Dauka Kahutu Rarara ya nuna rashin gamsuwa kan rabon mukamai

Rarara ya bayyana cewa ya taka muhimmiyar rawa wajen tallata tafiyar da kuma isar da sakonninta ga jama’a, don haka yana ganin ya dace a yi la’akari da irin gudunmawar da ya bayar wajen rabon mukamai.

Ya kuma kalubalanci yadda ake gudanar da rabon mukaman, yana mai tambayar ko irin gudunmawar da ya bayar ba ta isa a yi la’akari da ita ba wajen ba shi matsayi.

A cewarsa, wasu daga cikin mutanen da suka bayar da gudunmawa wajen ganin tafiyar ta samu karbuwa bai kamata a manta da su ba bayan samun nasara.

1

Rarara ya ce bai kamata rabon mukamai ya zama abin da zai haifar da rashin jituwa tsakanin wadanda suka yi aiki tare ba, yana mai bukatar a yi adalci wajen duba cancanta da gudunmawar kowa.

Ya kuma bayyana cewa zai ci gaba da bayyana matsayinsa kan batun, tare da jan hankalin gwamnati da masu ruwa da tsaki da su sake duba yadda ake tafiyar da rabon mukamai.