Sarkin Kano ya gana da jami’an gwamnatin Hong Kong kan ƙarfafa dangantakar tattalin arziki da Najeriya

Mai Martaba Sarkin Kano, Khalifa Muhammadu Sanusi II, ya gana da wasu manyan jami’an Gwamnatin Hong Kong na kasar Sin, inda aka tattauna kan hanyoyin ƙarfafa dangantakar tattalin arziki tsakanin Hong Kong da Najeriya.Rahotanni sun bayyana cewa gwamnatin kasar ce ta gayyaci Mai Martaba Sarkin bayan samun labarin cewa yana ƙasar, domin jin shawarwarinsa kan yadda za a inganta haɗin gwiwa tsakanin ɓangarorin biyu, musamman a fannin tattalin arziki da harkokin kuɗi.

Glob Hub

Taron ya gudana ne ƙarƙashin jagorancin Mista Joseph H. L. Chan, JP, wanda ke riƙe da muƙamin Mataimakin Sakatare a Ma’aikatar Ayyukan Kuɗi da Baitulmalin Gwamnatin Hong Kong.

A yayin ganawar, an mayar da hankali kan muhimmancin hulɗar tattalin arziki da kuma damar da ke akwai na ƙara ƙarfafa haɗin gwiwa tsakanin Hong Kong da Najeriya. Sai dai,

Ganawar ta zo ne a daidai lokacin da ƙarfafa hulɗar tattalin arziki da faɗaɗa damar zuba jari tsakanin Najeriya da ƙasashen waje ke ci gaba da kasancewa cikin muhimman batutuwan da za su iya taimakawa wajen bunƙasa tattalin arzikin ƙasa.

Wakilinmu na Masarauta, Khalil Ibrahim Yaro.ya rawaito cewa Mai Martaba Sarkin Kano ya samu rakiyar Alhaji Munir Sanusi, Galadiman Kano, haka kuma anasa ran sarkin zaikwashe makwanni biyu a kasar ta sin.